Келешекке арналған жобалар

2021 жылғы 26 қаңтарда Қазақстан Республикасы Ұлттық ядролық орталығының бас директоры Э.Ғ. Батырбеков бастаған делегациясының
А.Б. Бектұров атындағы Химия ғылымдары институтының басшылығымен жұмыс кездесуі өтті.

Кездесуде ҚР ҰЯО-ның перспективалық жобалары таныстырылып, ұсыныстар жасалды, оларды іске асыруға ұйым мамандары да қатыса алады.

Химия ғылымдары институтының мамандары өз әзірлемелерін ұсынып, зертханалық жабдықтармен таныстырып өтті.

Кейінгі талқылаулар барысында тараптар жаңа жобаларды бірлесіп іске асыруға өзара мүдделілік танытты. Кездесу қорытындысы бойынша байланыстарды жалғастыру және айтылған ұсыныстарды одан әрі пысықтау туралы уағдаластыққа қол жеткізілді.