КЕЛЕ ЖАТҚАН ЖАҢА ЖЫЛ ҚҰТТЫ БОЛСЫН!

Қымбатты әріптестер!

Келе жатқан Жаңа 2025 жылға арналған жүрекжарды құттықтауымды қабыл алыңыздар!

Жаңа жыл әрқайсысымыз үшін жарқын үміт, тың бастама мен жаңа мүмкіндік күтетін уақыт. Біз бұл мерекені ерекше ықыласпен күтеміз, өткен жылды түйіндеп, қол жеткізілген мақсаттарымыз бен жүзеге асырылған ойларымызды сараптаймыз.

Біз 2024 жылды еңбегіміздің нәтижесі үшін мақтаныш сезімімен шығарып салып отырмыз. Ұлттық ядролық орталығының ұжымы барлық міндетін өте сәтті орындады.

Қазақстан Республикасында атом энергетикасын, басқарылатын термоядролық синтез технологияларын және сутегі энергетикасын дамытуға бағытталған ғылыми-техникалық бағдарламалар мен жобалар шеңберіндегі біздің зерттеулеріміз сапалы жаңа деңгейге шықты.

Біз радиациялық қауіпсіздік және экология, геофизика саласындағы жетістіктерімізді, таратпау мәселелерін шешуге қосқан үлесімізді мақтан тұтамыз.

Жыл жетістігі – халықаралық ұйымдармен ынтымақтастығымыз болғаны сөзсіз.

Бүгінгі таңда халықаралық тапсырыстарымыздың топтамасына АҚШ, Жапония, Франция ұйымдарымен жасалған келісімшарттар кіреді.

Біз ынтымақтастықты кеңейтіп келеміз.

Көптеген ел біздің эксперименттік базамызда бірлескен жобаларды орындауға қызығушылық танытып отыр.

Биылғы жыл айшықты оқиғаларға толы болды.

Біз Жапония ұйымдарымен ынтымақтастықтың 30 жылдығы, Қытай Атом энергиясы институтымен өткізілген ғылыми-техникалық семинар, Азиядағы ядролық кооперация форумының семинары және тағы басқа бірқатар ғылыми-техникалық іс-шара өткіздік.

Жастардың ғылыми конференциялары мен жас физиктердің жазғы мектептері сәтті ұйымдастырылды.

Жалпы алғанда біздің кәсіпорынға 70-тен астам делегация келді. Бұл – біздің жоғары біліктілігіміз бен бізге деген сұраныстың айғағы.

Қымбатты әріптестер!

Биылғы жыл маңызды оқиғасымен есте қалады – еліміз энергетикалық тәуелсіздік пен орнықты даму жолында маңызды қадам жасады.

Қабылданған шешім Ұлттық ядролық орталық үшін болашақтың есігін айқара ашып отыр.

Біздің бірегей эксперименттік базадағы ғылыми әзірлемелеріміз, қызметкерлеріміздің біліктілігі мен жоғары кәсіптік шеберлігі алдыңғы қатарға шығады.

Міндет жүктелді, оның ойдағыдай атқарылатынына сенімдімін.

Баршаңызға тек жақсылық тілеймін.

Өткен жылдың жемісті істері мен жеңісті сәттері алдағы 2025 жылда да жалғасын таба берсін!

Шаңырақтарыңыз шаттық пен қуанышқа толып, асқақ армандарыңыз жүзеге аса берсін!

Сіздерге, сондай-ақ туған-туыстарыңызға бейбіт өмір, жақсылық және сәттілік тілеймін!

Эрлан Батырбеков, бас директор